CURSO DE FORMACIÓN 

“O NEONATO E A HUMANIZACIÓN DA SÚA CONTORNA”

Unha mirada dende a Atención Temperá

O sábado 26 de novembro de 2016, celebrouse na EGAP, en Santiago de Compostela o curso "O neonato e a humanización da súa contorna".

O mellor valorado do curso foron as relatoras, o seu elevado nivel de coñecementos sobre os temas tratados, a claridade na exposición e na presentación dos recursos, como se reflicte nas porcentaxes de máxima valoración das enquisas.

Tamén é de salientar o bo clima que se creou no curso dende o primeiro momento.

A Presidenta da AGAT, Teresa Busto inaugurou o curso e presentou ás relatoras.

- María Jesús Fernández Cotado.

D.U.E. Enfermeira na Unidade de Neonatoloxía do Servizo de Pediatría do Complexo Hospitalario Universitario de Ourense.

- María Xosé Vázquez Vázquez.

Diplomada en Traballo Social. Traballadora social do Complexo Hospitalario Universitario de Ourense. Profesional de referencia da Unidade de Atención Temperá do CHUO dende o ano 1998 ata finais do ano 2015.

- Ana Belén Fernández Blanco.

Diplomada en maxisterio. Especialidade de Educación Especial. Psicomotricista. Experta Universitaria en Atención á Dependencia. Técnica en Atención Temperá.

Forma parte do equipo de Atención Temperá do Complexo Hospitalario Universitario de Ourense  dende 1999.

- Mercé Leonhardt Gallego

Licenciada en Filosofia e Letras. Sección Psicoloxía. Titulada pola Universidad de Harvard na capacitación e aplicación da Escala Neonatal Behavioural Assessment Scale NBAS, de T.B. Brazzelton.

Pioneira da Atención Temperá en nenos e nenas con déficit visual e Coordinadora de Atención Precoz para nenos e nenas cegos e con severo déficit visual durante máis de 30 anos.

Teresa Busto presentando ás relatoras

Mª Xosé Vázquez, Mª Jesús Fernández Cotado e Ana Belén Fermández Blanco

A primeira relatora foi Mª Jesús Fernández Cotado

As persoas asistentes seguen con atención as explicaicón das relatoras

         

Ana Belén Fernández Blanco moderó la mesa y también expuso as súas vivencias do seu traballo diario co equipo de Atención Temperá do Complexo Hospitalario de Ourense.

Como colofón da mañá e toda a tarde, Mercè Leonhardt deleitó ao público participante ao curso contando a súa ampla experiencia e bo facer con nenas e nenos cegos. A súa calidade humana impresionó moito ás persoas asistentes que se implicaron na charla e plantexaron varias preguntas.